Plantun de Prouvènço

Pèr coumpara dos planto d'encò nostre

Linum trigynum & Panicum barbipulvinatum

Linum trigynum

Linaceae

Nom en français : Lin à trois styles.

Descripcioun :
Lin prim di pichòti flour jauno d'or que trachis dins li relarg séusous. Li fueio, tóutis alterno, soun en lanço. L'enflourejado es en pinceloun fla, emé lis entre-nous d'en bas 2 à 8 fes mai long que li flour. Coumpara emé lou lin-maritime que fai de flour mai grando (> 9 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Linum
Famiho : Linaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 5 à 8 mm
Flourido : Printèms - Estiéu

Sòu : Si
Autour basso e auto : 0 à 800 m
Aparado : Noun
Mai à setèmbre

Liò : Pelouso - Relarg à jóuinis aubret
Estànci : Termoumediterran à Coulinen
Couroulougi : Estenoumediterrano
Ref. sc. : Linum trigynum L., 1753

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.